Xhemile Dehari, nëna e Astrit Dehari, i ka përmendur emrat e shokëve të Astrit Deharit, të cilët e kanë vizituar atë në burgun e Prizrenit.

Vizitat e miqve, sipas saj kanë filluar tek pas tri vizitave të familjarëve.

“Katër vizitat e para i kemi bërë vetëm familjarët, nuk e kemi ditë që mundemi të marrim të tjerë. Vizitën e katërt, Astriti na tha se katër persona pa marrë parasysh a janë familjarë apo jo”, ka thënë ajo.

“Në atë vizitë ka qenë Egzon Balaj… në vizitën e dytë ka qenë Emrush Xhemajli, pastaj Hekuran Myrtaj, vizitën e radhës Max Brym, është një gjerman që ka punuar me Arbënorin, e ka njohur Astritin”, ka vijuar ajo.

Pas këtyre vizitave, sipas saj ka qenë në vizitë Dardan Molliqaj dhe pastaj Sami Kurteshi.

Ajo tha se në vizitën kur ishte caktuar Sami Kurteshi, kishte kërkuar të shkojë për vizitë Albin Kurti dhe Liburn Aliu, por që nuk kanë pasur mundësi ta vizitojnë për shkak se në rend ishte Sami Kurteshi.

lexo edhe:

Nëna e Astrit Deharit flet pas zhdukjes së mostrave: Për mua ishte vdekja e dytë e djalit